டெஹ்ரான்:
அமெரிக்கா இரானை தாக்கும் முயற்சியில் இறங்கினால், அதற்கு பதிலடியாக மத்திய கிழக்கில் உள்ள அமெரிக்க இராணுவத் தளங்களை குறிவைக்க தயார் என இரான் கடும் எச்சரிக்கை விடுத்துள்ளது. இருப்பினும், அமெரிக்காவின் நேரடி நிலப்பரப்பை தாக்கும் எண்ணம் இல்லை என்றும் இரான் தெளிவுபடுத்தியுள்ளது.
சனிக்கிழமை பேசிய இரானிய வெளியுறவு அமைச்சர் அப்பாஸ் அராக்சி, அமெரிக்காவுடன் நடைபெற்ற சமீபத்திய பேச்சுவார்த்தைகள் தொடர்பாக கருத்து தெரிவித்தார். இரு நாடுகளுக்கிடையே உரையாடல்கள் மீண்டும் தொடங்கும் சூழல் உருவாகி வருவதாக அவர் கூறியதுடன், இராணுவ நடவடிக்கைகளுக்கு இரான் ஒருபோதும் பயப்படவில்லை என்றும் எச்சரிக்கை விடுத்தார்.
“வாஷிங்டன் எங்களை தாக்கினால், நாங்கள் அமெரிக்க நிலப்பரப்பை குறிவைக்க மாட்டோம். ஆனால் மத்திய கிழக்கில் உள்ள அவர்களின் இராணுவத் தளங்கள் எங்களின் இலக்காக மாறும்,” என அராக்சி வெளிப்படையாகக் கூறினார்.
வெள்ளிக்கிழமை ஓமனில் அமெரிக்கா – இரான் இடையே உயர்மட்ட பேச்சுவார்த்தைகள் நடைபெற்றன. இந்த உரையாடல்கள் மறைமுகமானவை என்றும், முழுக்க அணுசக்தி விவகாரங்களை மையமாகக் கொண்டவை என்றும் அராக்சி தெரிவித்தார். அடுத்த சுற்று பேச்சுவார்த்தைக்கான தேதி இன்னும் நிர்ணயிக்கப்படவில்லை என்றாலும், விரைவில் மீண்டும் சந்திக்க இரு தரப்பினரும் சம்மதம் தெரிவித்துள்ளதாக அவர் கூறினார்.
இதனிடையே, அமெரிக்க அதிபர் டொனால்ட் டிரம்ப், “அடுத்த வார தொடக்கத்தில் மீண்டும் சந்திப்போம்” என சனிக்கிழமை அதிகாலையில் அறிவித்தார்.
ஆனால், இந்த பேச்சுவார்த்தைகள் நடைபெற்ற சில மணி நேரங்களிலேயே, இரானுடன் வர்த்தகம் செய்யும் நாடுகளுக்கு கூடுதல் வரிகளை விதிக்கும் நிர்வாக ஆணையில் டிரம்ப் கையெழுத்திட்டது, இரு நாடுகளின் உறவில் புதிய குழப்பத்தை ஏற்படுத்தியுள்ளது.
நேர்காணல் ஒன்றில் பேசிய அப்பாஸ் அராக்சி,
“யுரேனியம் செறிவூட்டலை நிறுத்துவது குறித்து இரானின் பார்வையில் எந்த பேச்சுவார்த்தைக்கும் இடமில்லை. இது எங்கள் உரிமை. அது தொடரும்,” என உறுதியாக தெரிவித்தார்.
மேலும்,
“குண்டுவீச்சுகள் மூலம் கூட இரானின் அணுசக்தி மற்றும் பாதுகாப்பு திறன்களை அமெரிக்கா அழிக்க முடியாது,” என்றும் அவர் கூறினார்.
அதேசமயம், அணுசக்தி விவகாரத்தில் நம்பகத்தன்மையுடன் கூடிய ஒரு ஒப்பந்தத்தை எட்ட இரான் தயாராக இருப்பதாகவும் அவர் தெரிவித்தார். ஆனால், இரானின் ஏவுகணை திட்டம் குறித்து எந்த சூழலிலும் பேச்சுவார்த்தை நடத்த முடியாது என்றும், அது முழுக்க தேசிய பாதுகாப்பு தொடர்பான விஷயம் என்றும் அவர் வலியுறுத்தினார்.
பிபிசி அரபு செய்தியின்படி, இரானிய ஆயுதப்படைகளின் தலைமை அதிகாரி மேஜர் ஜெனரல் அப்துல்ரஹீம் மூசவி,
“இரானுக்கு எதிரான எந்தவொரு இராணுவ நடவடிக்கையும் எதிரிகளுக்கு மிகப்பெரிய சேதத்தை ஏற்படுத்தும். அது அவர்களின் மூலோபாய தோல்வியில் முடியும்,” என கூறினார்.
மேலும்,
“இத்தகைய தாக்குதல் முழு மத்திய கிழக்கு பகுதியையும் போர்க்களமாக மாற்றும் என்பதையும் எதிரிகள் நன்கு அறிவார்கள்,” என்றும் அவர் எச்சரித்தார்.
இந்த நிலையில், அமெரிக்காவின் சிறப்பு தூதர் ஸ்டீவ் விட்காஃப் மற்றும் டிரம்பின் மருமகன் ஜாரெட் குஷ்னர், யுஎஸ்எஸ் ஆபிரகாம் லிங்கன் என்ற விமானம் தாங்கி போர்க் கப்பலை பார்வையிட்டனர்.
இதுகுறித்து விட்காஃப் சமூக ஊடகத்தில்,
“அமெரிக்க மத்திய கட்டளை தளபதி அட்மிரல் பிராட் கூப்பருடன் இணைந்து, நாட்டின் பாதுகாப்புக்காக பணியாற்றும் கடற்படை வீரர்களை சந்தித்தோம். இது அதிபர் டிரம்பின் ‘பலத்தின் மூலம் அமைதி’ என்ற கொள்கையை பிரதிபலிக்கிறது,” என பதிவிட்டார்.
இந்த போர்க் கப்பல் தற்போது இரானுக்கு அருகிலான அரேபிய கடலில் நிலைநிறுத்தப்பட்டுள்ளது.
ஆக்சியோஸ் நிருபர் பராக் ராவிட்,
“பேச்சுவார்த்தைகள் தோல்வியடைந்தால் அமெரிக்காவிடம் மற்ற விருப்பங்களும் உள்ளன என்பதை தெஹ்ரானுக்கு நினைவூட்டும் ஒரு அரசியல் – இராணுவச் செய்தியாக இந்த பயணம் அமைந்துள்ளது,” என கூறியுள்ளார்.
பேச்சுவார்த்தைகளுக்குப் பிறகு தோஹாவிற்கு சென்ற அராக்சி, அல் ஜசீரா மன்றத்தில் உரையாற்றினார். அப்போது, பாலத்தீன பிரச்சினையை மத்திய கிழக்கின் “மூலோபாய மற்றும் தார்மீக அச்சு” என அவர் வர்ணித்தார்.
“காஸாவில் நடக்கும் மனித உரிமை மீறல்கள், சர்வதேச சட்டத்திற்கு இன்னும் அர்த்தம் இருக்கிறதா என்ற கேள்வியை எழுப்புகிறது,” என அவர் கூறினார்.
“ஒரு குழந்தையின் உயிர் பேரம் பேசும் பொருளாக மாறக் கூடாது. பசியை ஆயுதமாக பயன்படுத்த முடியாது. மருத்துவமனைகள் போர்க்களங்கள் அல்ல,” என அவர் கடுமையாக விமர்சித்தார்.
இதற்கிடையே, அமெரிக்கா – இரான் பதற்றம் அதிகரித்து வரும் சூழலில், இரானிய நாணயமான ரியல் கடும் சரிவை சந்தித்துள்ளது. டெஹ்ரானின் மாற்றுச் சந்தைகளில், ஒரு அமெரிக்க டாலருக்கு எதிராக அதன் மதிப்பு சுமார் 15.9 லட்சம் ரியால்கள் என பதிவாகியுள்ளது.
ஒரு வாரத்திற்கு முன்பு, அமெரிக்க விமானம் தாங்கி கப்பல் மத்திய கிழக்குக்கு வந்தபோது, இந்த மதிப்பு சுமார் 15 லட்சம் ரியால்கள் ஆக இருந்தது.
அரசுக்கு எதிரான போராட்டங்கள், பொருளாதார தடைகள் மற்றும் சர்வதேச அழுத்தங்கள் ஆகியவை இந்த வீழ்ச்சிக்கு முக்கிய காரணங்களாகக் கூறப்படுகின்றன.
அமெரிக்கா – இரான் இடையே பேச்சுவார்த்தை தொடரும் என்ற எதிர்பார்ப்பு இருந்தாலும், இராணுவ எச்சரிக்கைகள், பொருளாதார அழுத்தங்கள் மற்றும் பிராந்திய அரசியல் பதற்றம் ஆகியவை மத்திய கிழக்கை மீண்டும் அபாயகரமான சூழலுக்கு தள்ளக்கூடும் என்ற கவலை அதிகரித்து வருகிறது.
தமிழக வெற்றிக் கழகத்திற்கு ‘விசில்’ சின்னம் – தேர்தல் ஆணையம் அதிகாரப்பூர்வ ஒப்புதல் தமிழக அரசியல் களத்தில் புதிய அத்தியாயத்தை தொடங்கியுள்ள நடிகர் விஜய்யின் தமிழக வெற்றிக் கழகம் (TVK), தனது முதல் சட்டமன்றத் தேர்தலை எதிர்கொள்ள தயாராகி வருகிறது. 2026 ஆம் ஆண்டு நடைபெற உள்ள தமிழ்நாடு சட்டமன்றத் தேர்தலை முன்னிட்டு, அக்கட்சி கோரியிருந்த ‘விசில்’ சின்னத்தை இந்திய தேர்தல் ஆணையம் அதிகாரப்பூர்வமாக ஒதுக்கியுள்ளது. தமிழக வெற்றிக் கழகம் தற்போது பதிவு செய்யப்பட்டிருந்தாலும், இன்னும் அங்கீகாரம் பெறாத கட்சியாகும். இருப்பினும், மாநிலம் முழுவதும் உள்ள 234 தொகுதிகளிலும் ஒரே சின்னத்தில் போட்டியிடும் வகையில், தேர்தல் ஆணையம் பொதுச் சின்னம் வழங்கியுள்ளது. தேர்தல் ஆணையத்திடம் கட்சி சார்பில் சமர்ப்பிக்கப்பட்ட 10 விருப்பச் சின்னங்களில் ‘விசில்’ முதலிடத்தில் இடம்பெற்றிருந்தது. கட்சித் தலைவர் விஜய் விரும்பிய சின்னமே ஒதுக்கப்பட்டுள்ளதால், கட்சித் தொண்டர்கள் மற்றும் ஆதரவாளர்கள் மத்தியில் பெரும் உற்சாகம் ஏற்பட்டுள்ளது. ஒரு புதிய அரசியல் கட்சிக்கு மாநில அளவில் ஒரே சின்னம் வழங்கப்படுவது, அந்தக் கட்சியின் அடையாளத்தை பொதுமக்களிடம் விரைவாக கொண்டு செல்ல உதவும் முக்கிய அம்சமாகக் கருதப்படுகிறது. ‘விசில்’ சின்னம் எச்சரிக்கை, விழிப்புணர்வு மற்றும் மாற்றத்தைக் குறிக்கும் அடையாளமாக பார்க்கப்படுகிறது. ஊழலுக்கு எதிரான குரல் அல்லது புதிய அரசியல் தொடக்கத்தின் குறியீடாக இதனை த.வெ.க. பயன்படுத்தும் வாய்ப்பும் உள்ளது. இதுகுறித்து கட்சியின் தகவல் தொழில்நுட்பப் பிரிவு நிர்வாகி சி.டி.ஆர். நிர்மல் குமார் கூறுகையில், “எங்கள் தலைவர் விரும்பிய விசில் சின்னமே கிடைத்துள்ளது. இது கட்சியின் அரசியல் பயணத்தில் ஒரு முக்கிய ஆரம்ப கட்டமாகும்” எனத் தெரிவித்துள்ளார். இதனிடையே, நடிகர் கமல்ஹாசன் தலைமையிலான மக்கள் நீதி மய்யம் கட்சிக்கும், அவர்கள் பயன்படுத்தி வந்த ‘டார்ச் லைட்’ சின்னம் பொதுச் சின்னமாக மீண்டும் ஒதுக்கப்பட்டுள்ளது. இதன் மூலம் 2026 சட்டமன்றத் தேர்தலை முன்னிட்டு, அரசியல் கட்சிகளின் பிரச்சாரமும் சின்னங்களும் இப்போதே கவனம் பெறத் தொடங்கியுள்ளன.
2026-ல் முழுமையாக அப்டேட் ஆகும் ஐபோன்கள்… விபரம் என்ன? செயற்கை நுண்ணறிவு (AI) துறையில் உலகளாவிய அளவில் கடும் போட்டி நிலவி வரும் நிலையில், அந்த போட்டியை எதிர்கொள்ள ஆப்பிள் நிறுவனம் ஒரு பெரிய திட்டத்தை தயாரித்து வருவதாக தகவல்கள் வெளியாகியுள்ளன. அதன்படி, 2026-ஆம் ஆண்டு ஆப்பிள் நிறுவனத்திற்கு AI அடிப்படையிலான மிக முக்கியமான திருப்புமுனை ஆண்டாக அமையக்கூடும் என தொழில்நுட்ப வட்டாரங்கள் தெரிவிக்கின்றன. ஏஐ போட்டியில் ஏன் பின்னடைவை சந்தித்த ஆப்பிள்? ஓபன் ஏஐ, கூகுள், மைக்ரோசாப்ட் போன்ற முன்னணி நிறுவனங்கள் 2022 மற்றும் 2023-ஆம் ஆண்டுகளிலேயே ஏஐ துறையில் தீவிரமாக கால்பதித்துவிட்டன. ChatGPT Google Gemini Microsoft Copilot போன்ற ஏஐ சேவைகள் மிக வேகமாக வளர்ச்சி கண்டன. இதற்குப் பின்னணியாக, ஆப்பிள் 2024-ஆம் ஆண்டில்தான் ‘Apple Intelligence’ என்ற தனது ஏஐ தளத்தை அதிகாரப்பூர்வமாக அறிமுகப்படுத்தியது. இதனால், போட்டியாளர்களை விட ஆப்பிள் சற்றே தாமதமாக ஏஐ பயணத்தை தொடங்கியதாக விமர்சனங்கள் எழுந்தன. Apple Intelligence: எதிர்பார்ப்பை பூர்த்தி செய்ததா? Apple Intelligence மூலம், Writing Tools Clean Up (புகைப்படங்களில் தேவையற்ற பொருட்களை நீக்கும் வசதி) On-device AI processing போன்ற அம்சங்கள் அறிமுகப்படுத்தப்பட்டன. ஆனால், கூகுள் ஜெமினி ChatGPT Copilot போன்ற ஏஐ மாடல்களுடன் ஒப்பிடும்போது, ஆப்பிளின் ஏஐ அம்சங்கள் அதே அளவிலான திறனை வழங்கவில்லை என பல தொழில்நுட்ப விமர்சகர்கள் கூறினர். புதுப்பிக்கப்பட்ட Siri – இன்னும் முழுமை பெறவில்லை Apple Intelligence-இன் முக்கிய அங்கமாக கருதப்பட்ட புதுப்பிக்கப்பட்ட Siri, இன்னும் முழுமையான ஏஐ அசிஸ்டென்ட் அனுபவத்தை வழங்கவில்லை என்பதே ஆப்பிள் எதிர்கொள்ளும் பெரிய சவாலாக உள்ளது. இயற்கையான உரையாடல் திறன் கான்டெக்ஸ்ட் புரிதல் ஆப்-டூ-ஆப் செயல்பாடுகள் போன்ற விஷயங்களில் Siri, போட்டியாளர்களை விட பின்தங்கியுள்ளதாக விமர்சனம் செய்யப்படுகிறது. 2026-ல் ஆப்பிளின் ‘மாஸ்டர் பிளான்’ என்ன? தொழில்நுட்ப வட்டார தகவல்களின் படி, 2026-ல்: முழுமையாக ஏஐ-ஆதரவு பெற்ற Siri ஐபோன்களில் ஆழமாக ஒருங்கிணைக்கப்பட்ட Apple Intelligence அதிக சக்தி வாய்ந்த on-device AI processing தனியுரிமையை மையமாகக் கொண்ட ஏஐ அம்சங்கள் அறிமுகப்படுத்தப்படலாம் என கூறப்படுகிறது. இதன் மூலம், AI போட்டியில் ஆப்பிள் தன் இழந்த முன்னிலையை மீட்டெடுக்க திட்டமிட்டு வருவதாக தெரிகிறது. முடிவாக AI உலகில் தாமதமாக நுழைந்தாலும், “சரியான நேரத்தில், சரியான முறையில்” ஒரு பெரிய மாற்றத்தை கொண்டு வருவதே ஆப்பிளின் நீண்டகால யுக்தியாக இருக்கலாம். 2026-ல் அப்டேட் ஆகும் ஐபோன்கள், வெறும் ஹார்ட்வேர் அப்டேட் அல்ல முழுமையான AI அனுபவத்தை வழங்கும் சாதனங்களாக மாறும் என்று எதிர்பார்க்கப்படுகிறது.
டிஜிட்டல் தொழில்நுட்பம் வளர்ந்த இந்த காலகட்டத்தில், அதையே ஆயுதமாக மாற்றி பொதுமக்களை ஏமாற்றும் சைபர் குற்றவாளிகளின் எண்ணிக்கை நாளுக்கு நாள் அதிகரித்து வருகிறது. குறிப்பாக, ‘டிஜிட்டல் அரெஸ்ட்’, ‘ஆன்லைன் விசாரணை’ போன்ற வார்த்தைகளை பயன்படுத்தி, மூத்த குடிமக்களை மனதளவில் மிரட்டி, அவர்கள் வாழ்நாள் சேமிப்பை பறிக்கும் சம்பவங்கள் தொடர்ச்சியாக நடந்து வருகின்றன. மும்பையில் நடந்த சமீபத்திய ஒரு சம்பவம், இந்த மோசடிகள் எந்த அளவுக்கு திட்டமிட்டு நடத்தப்படுகின்றன என்பதைக் காட்டுகிறது. இந்த முறை, சைபர் குற்றவாளிகள் முன்னாள் இந்திய தலைமை நீதிபதி சந்திரசூட்டின் பெயரையே பயன்படுத்தி, ஒரு மூதாட்டியிடமிருந்து சுமார் 3 கோடியே 71 லட்சம் ரூபாயை மோசடியாகப் பறித்துள்ளனர். காவல்துறை மற்றும் சிபிஐ விசாரணை என்ற பெயரில் நடந்த இந்த நாடகத்தில், அந்தப் பெண் பல வாரங்கள் தொடர்ந்து மிரட்டப்பட்டு, மனதளவில் முற்றிலும் கட்டுப்படுத்தப்பட்டதாக போலீஸ் விசாரணையில் தெரியவந்துள்ளது. ஒரு தொலைபேசி அழைப்பில் தொடங்கிய பயம் மும்பையின் அந்தேரி மேற்கு பகுதியில் கடந்த 26 ஆண்டுகளாக வசித்து வரும் அந்த மூதாட்டிக்கு, கடந்த ஆகஸ்ட் 18 அன்று ஒரு மர்ம தொலைபேசி அழைப்பு வந்துள்ளது. “உங்கள் அழைப்பை கொலாபா காவல் நிலையத்துடன் இணைக்கிறேன்” என்று கூறிய அந்த நபர், அழைப்பைத் துண்டித்துள்ளார். சில நிமிடங்களில், அந்தப் பெண்ணுக்கு வாட்ஸ்ஆப்பில் ஒரு வீடியோ கால் வந்துள்ளது. மறுமுனையில் பேசிய நபர், தன்னை காவல் நிலைய அதிகாரி என்று அறிமுகப்படுத்தி, “உங்கள் ஆதார் விவரங்கள் தவறாக பயன்படுத்தப்பட்டுள்ளன. உங்கள் பெயரில் ஒரு வங்கிக் கணக்கு தொடங்கப்பட்டு, அது சட்டவிரோத பணப் பரிமாற்றத்திற்குப் பயன்படுத்தப்படுகிறது” என்று கூறியுள்ளார். இந்த தகவலைக் கேட்ட அந்த மூதாட்டி அதிர்ச்சியடைந்துள்ளார். தனக்கு அப்படி எந்தக் கணக்கும் இல்லை என்றும், தான் எந்தக் குற்றத்திலும் ஈடுபடவில்லை என்றும் அவர் விளக்கம் அளிக்க முயன்றுள்ளார். கைது மிரட்டலும் போலி ஆவணங்களும் அவரின் விளக்கத்தை கேட்காமல், மோசடி நபர்கள் “இந்த வழக்கில் ஏற்கனவே ஒருவர் கைது செய்யப்பட்டுள்ளார். உங்கள் பெயரும் அதில் இருப்பதால், எப்போது வேண்டுமானாலும் நீங்கள் கைது செய்யப்படலாம்” என்று மிரட்டியுள்ளனர். மேலும், இது தொடர்பான போலி கடிதங்களையும், சட்ட ஆவணங்களைப் போல வடிவமைக்கப்பட்ட சில பதிவுகளையும் அவருக்கு அனுப்பியுள்ளனர். “நாங்கள் விசாரணை நடத்துகிறோம். எங்கள் கேள்விகளுக்கு பதில் அளிக்க வேண்டும். இல்லையெனில் உங்கள் வீட்டிற்கு வந்து உங்களையும், உங்கள் குடும்பத்தினரையும் கைது செய்வோம்” என்று அவர்கள் தொடர்ந்து அழுத்தம் கொடுத்துள்ளனர். இந்த விவகாரத்தை யாரிடமும் சொன்னால், அவர்களும் சட்ட நடவடிக்கைக்கு உள்ளாவார்கள் என்றும் எச்சரித்துள்ளனர். இதன் காரணமாக, அந்த மூதாட்டி கடும் பயத்தில் ஆழ்ந்துள்ளார். தனது வங்கிக் கணக்குகள், முதலீடுகள், வீட்டுத் தகவல்கள் என அனைத்தையும் அவர்களிடம் தெரிவிக்கத் தொடங்கியுள்ளார். ‘ஆன்லைன் நீதிமன்றம்’ என்ற நாடகம் ஒரு கட்டத்தில், இந்த வழக்கை சிபிஐ விசாரித்து வருவதாகவும், 24 மணிநேரமும் அவர்களது கண்காணிப்பில் இருக்க வேண்டுமென்றும் கூறியுள்ளனர். விசாரணை நடத்தும் அதிகாரியின் பெயர் எஸ்.கே. ஜெயஸ்வால் என்றும் தெரிவித்துள்ளனர். அதன் பின்னர், அந்தப் பெண்ணிடம் அவரது வாழ்க்கையைப் பற்றி 2 முதல் 3 பக்கங்களுக்கு ஒரு கட்டுரை எழுதச் சொல்லியுள்ளனர். “இது உங்கள் நிரபராதத்தை நிரூபிக்க உதவும்” என்று கூறி, அவருக்கு நம்பிக்கை அளித்துள்ளனர். பின்னர் நடந்தது இன்னும் அதிர்ச்சியளிப்பதாக உள்ளது. வீடியோ காலில் வந்த ஒருவர், தன்னை முன்னாள் தலைமை நீதிபதி சந்திரசூட் என்று அறிமுகப்படுத்திக் கொண்டு, “உங்கள் வழக்கு தீவிரமானது. ஆனால் நீங்கள் நிரபராதி” என்று கூறி, அவரது முதலீட்டு ஆவணங்களை கேட்டுள்ளார். அந்தப் பெண், இது உண்மையான நீதிமன்ற விசாரணை என்றே நம்பியுள்ளார். கணக்குகளை காலி செய்யச் செய்த திட்டம் சிறிது நேரத்தில், “உங்கள் கணக்கில் சைபர் தாக்குதல் நடந்துள்ளது” என்று கூறி, விசாரணையின் ஒரு பகுதியாக அவரது மியூச்சுவல் ஃபண்ட் முதலீடுகளை பணமாக்கச் சொன்னுள்ளனர். பின்னர், அந்த தொகையில் 90 முதல் 95 சதவீதத்தை அவர்கள் கொடுத்த வங்கிக் கணக்கிற்கு தற்காலிகமாக மாற்ற வேண்டும் என்றும் கூறியுள்ளனர். கைது பயத்தில் இருந்த அந்த மூதாட்டி, அவர்கள் சொன்னபடி பணத்தை அனுப்பியுள்ளார். இதற்குப் பிறகு, தொடர்ந்து வெவ்வேறு வங்கிக் கணக்குகளுக்குப் பணம் அனுப்புமாறு மிரட்டல்கள் வந்துள்ளன. ஆகஸ்ட் முதல் அக்டோபர் வரை நடந்த இந்த மோசடியில், மொத்தமாக 3 கோடியே 71 லட்சம் ரூபாய் பறிக்கப்பட்டுள்ளது. பணத்தைத் திரும்பக் கேட்டபோது, ஒவ்வொரு முறையும் புதிய காரணங்களைச் சொல்லி காலம் கடத்தினர். இதன் பின்னர்தான் தான் மோசடியில் சிக்கியிருப்பதை அந்தப் பெண் உணர்ந்துள்ளார். காவல் நிலையத்தில் புகார் – வெளிவந்த உண்மை அக்டோபர் 13 அன்று, அந்த மூதாட்டி காவல் நிலையத்தில் புகார் அளித்துள்ளார். வாட்ஸ்ஆப் உரையாடல்கள், வங்கிப் பரிவர்த்தனை விவரங்கள், ஸ்கிரீன் ஷாட்கள் ஆகியவற்றை காவல்துறையிடம் ஒப்படைத்துள்ளார். இந்த வழக்கில் ஒரு நபர் கைது செய்யப்பட்டுள்ளதாக தகவல்கள் வெளியாகியுள்ளன. இப்படிப்பட்ட அழைப்பு வந்தால் என்ன செய்ய வேண்டும்? காவல்துறையோ, சிபிஐயோ ஒருபோதும் வாட்ஸ்ஆப், வீடியோ கால் அல்லது சமூக ஊடகங்கள் வழியாக விசாரணை நடத்துவதில்லை. கைது செய்வதாக மிரட்டுவதும் இல்லை. அப்படிப்பட்ட அழைப்புகள் வந்தால், எந்தத் தகவலையும் பகிராமல் உடனே அந்த எண்ணைத் துண்டித்து, பிளாக் செய்ய வேண்டும். உயர் அதிகாரிகளின் புகைப்படங்கள், நீதிமன்ற பின்னணி போன்றவை காண்பிக்கப்பட்டாலும், அதனால் நம்ப வேண்டாம். இது ஒரு திட்டமிட்ட நாடகமாக இருக்கலாம். சைபர் மோசடியில் சிக்கினால், உடனடியாக அரசு நடத்தும் சைபர் குற்ற புகார் தளத்தில் அல்லது உள்ளூர் சைபர் காவல் நிலையத்தில் புகார் அளிக்க வேண்டும். தாமதமின்றி புகார் அளித்தால், பணத்தை மீட்டெடுக்கும் வாய்ப்பு அதிகமாக இருக்கும் என நிபுணர்கள் எச்சரிக்கின்றனர்.
ஜீவா நடிப்பில் ‘தலைவர் தம்பி தலைமையில்’ திரைப்படம் இன்று திரையரங்குகளில் வெளியீடு சென்னை: நடிகர் ஜீவா நடிப்பில் உருவாகியுள்ள ‘தலைவர் தம்பி தலைமையில்’ திரைப்படம் இன்று தமிழகம் முழுவதும் திரையரங்குகளில் வெளியாகியுள்ளது. குடும்ப ரசிகர்களை கவரும் வகையில் கதையும் திரைக்கதையும் அமைக்கப்பட்டுள்ளதாக படக்குழு தெரிவித்துள்ளது. ஜீவா, இதற்கு முன்பு ‘ஆசை ஆசையாய்’ திரைப்படத்தின் மூலம் தமிழ் சினிமாவில் நடிகராக அறிமுகமானார். அதன் பின்னர் காமெடி, காதல், ஆக்ஷன் என பல்வேறு கதாபாத்திரங்களில் நடித்துள்ளார். இந்த புதிய படத்தில், சமூகப் பின்னணியுடன் கூடிய முக்கியமான கதாபாத்திரத்தில் அவர் நடித்துள்ளதாக கூறப்படுகிறது. திரைப்படத்தில் அரசியல் மற்றும் குடும்ப உணர்வுகளை மையமாக கொண்டு கதை நகர்வதாக தகவல்கள் வெளியாகியுள்ளன. இயக்கம், இசை மற்றும் நடிகர்களின் நடிப்பு படத்திற்கு முக்கிய பலமாக இருக்கும் என எதிர்பார்க்கப்படுகிறது. இன்று வெளியானதைத் தொடர்ந்து, ரசிகர்கள் மற்றும் விமர்சகர்கள் மத்தியில் படத்திற்கு நல்ல வரவேற்பு கிடைக்குமா என்ற எதிர்பார்ப்பு உருவாகியுள்ளது. முதல் நாள் வசூல் மற்றும் ரசிகர் கருத்துகள் விரைவில் வெளியாகும் என எதிர்பார்க்கப்படுகிறது.
எடை குறைப்பு என்ற பெயரில் நடந்த விபரீதம் – மதுரை மாணவியின் மரணம்; ஆயுஷ், மருந்து கட்டுப்பாட்டு துறை கடும் எச்சரிக்கை மதுரையில் இளம் மாணவி ஒருவர் உயிரிழந்த சம்பவம், சமூக வலைதளங்களில் பரவும் தவறான உடல்நல ஆலோசனைகளின் ஆபத்தை மீண்டும் வெளிச்சத்துக்கு கொண்டு வந்துள்ளது. உடல் எடையை குறைக்க முயன்ற நிலையில், வெங்காரம் என்ற பொருளை உட்கொண்டதால் ஏற்பட்ட உடல்நலக் கோளாறு காரணமாக மாணவி உயிரிழந்ததாக தகவல்கள் தெரிவிக்கின்றன. மதுரை செல்லூர் அருகே உள்ள மீனாம்பாள்புரம் பகுதியைச் சேர்ந்த கலையரசி (19), அரசு உதவி பெறும் மகளிர் கல்லூரியில் இளங்கலை இரண்டாம் ஆண்டு பயின்று வந்தார். சிறுவயதிலிருந்தே உடல் பருமன் இருந்ததால், எடையை குறைக்க வேண்டும் என்ற எண்ணத்தில், யூடியூப் உள்ளிட்ட சமூக வலைதளங்களில் வெளியாகும் வீடியோக்களை அவர் தொடர்ந்து பார்த்து வந்ததாக கூறப்படுகிறது. அந்த வகையில், ஒரு வீடியோவில் கூறப்பட்ட ஆலோசனையை நம்பி, அருகிலுள்ள நாட்டு மருந்துக் கடையில் வாங்கிய வெங்காரத்தை கலையரசி உட்கொண்டுள்ளார். இதன் பின்னர், அவருக்கு வாந்தி, வயிற்றுப்போக்கு உள்ளிட்ட கடுமையான உடல்நல பாதிப்புகள் ஏற்பட்டன. உடனடியாக தனியார் மருத்துவமனையில் அனுமதிக்கப்பட்டு முதலுதவி அளிக்கப்பட்ட பிறகு வீடு திரும்பிய நிலையில், அதே இரவு மீண்டும் உடல்நிலை மோசமடைந்தது. பின்னர் ராஜாஜி அரசு மருத்துவமனைக்கு அழைத்துச் செல்லப்பட்டபோதும், அவரை காப்பாற்ற முடியவில்லை. இந்த சம்பவம் தொடர்பாக செல்லூர் காவல் நிலையத்தில் வழக்குப் பதிவு செய்யப்பட்டு விசாரணை நடைபெற்று வருகிறது. இதனிடையே, சம்பவத்திற்கு காரணமான நாட்டு மருந்துக் கடை மற்றும் சமூக வலைதள சேனல்கள் மீது நடவடிக்கை எடுக்க வேண்டும் என்ற கோரிக்கைகள் எழுந்துள்ளன. இந்த விவகாரம் குறித்து ஆயுஷ் மருந்து கட்டுப்பாட்டு இயக்ககம் பொதுமக்களுக்கு முக்கிய எச்சரிக்கையை விடுத்துள்ளது. சமூக வலைதளங்களில் பரவும் பாரம்பரிய மருத்துவ குறிப்புகள், எடை குறைப்பு டிப்ஸ் போன்றவற்றை மருத்துவர் ஆலோசனை இல்லாமல் பின்பற்ற வேண்டாம் என அறிவுறுத்தப்பட்டுள்ளது. முகவரி, பதிவு விவரம் இல்லாத விளம்பரங்களை நம்புவது ஆபத்தானது என்றும் தெரிவிக்கப்பட்டுள்ளது. ஆயுஷ் துறை அதிகாரிகள் கூறுகையில், “சமூக வலைதளங்களில் போலி முகவரி, தொடர்பு விவரம் இல்லாத விளம்பரங்கள் அதிகரித்து வருகின்றன. இதனால் நடவடிக்கை எடுப்பது சவாலாக உள்ளது. பொதுமக்கள் இதுபோன்ற தகவல்களை நம்பாமல், அரசு மருத்துவமனைகள் அல்லது ஆரம்ப சுகாதார நிலையங்களில் உள்ள அங்கீகரிக்கப்பட்ட சித்த மருத்துவர்களிடம் ஆலோசனை பெற வேண்டும்” என தெரிவித்துள்ளனர். எடை குறைப்பு, ஆண்மை குறைபாடு உள்ளிட்ட பிரச்சனைகளை முன்வைத்து சமூக வலைதளங்களில் தொடர்ந்து பரவும் விளம்பரங்கள், குறிப்பாக இளைஞர்கள் மத்தியில் தவறான புரிதலை உருவாக்கக்கூடும் என சுகாதார நிபுணர்கள் எச்சரிக்கின்றனர். கலையரசியின் மரணம், இந்த ஆபத்துகளை உணர்த்தும் ஒரு துயரமான எடுத்துக்காட்டாக பார்க்கப்படுகிறது.
மத்திய கிழக்கில் தீவிரமடைந்துள்ள போர் பதற்றம் உலக நாடுகளின் கவனத்தை ஈர்த்துள்ளது. United States மற்றும் Israel கூட்டுத் தாக்குதல்களுக்கு பதிலடி நடவடிக்கைகளை Iran மேற்கொண்டு வரும் நிலையில், கடற்பரப்பிலும் மோதல் அதிகரித்துள்ளதாக தகவல்கள் வெளியாகியுள்ளன. போர் பதற்றம் அதிகரிப்பு Ali Khamenei மரணத்துக்குப் பிறகு ஈரான் கடுமையான பதிலடி நடவடிக்கைகளைத் தொடங்கியுள்ளதாக கூறப்படுகிறது. “ஆபரேஷன் ஃபதே-இ-ஜாங்” என்ற பெயரில் மேற்கொள்ளப்பட்ட இந்த நடவடிக்கைகளின் ஒரு பகுதியாக சவுதி அரேபியா, பஹ்ரைன், கத்தார், ஜோர்டான், ஐக்கிய அரபு அமீரகம் மற்றும் குவைத் உள்ளிட்ட நாடுகளில் உள்ள அமெரிக்க ராணுவ தளங்கள் இலக்காக தாக்கப்பட்டதாக தகவல்கள் தெரிவிக்கின்றன. நீர்மூழ்கிக் கப்பல் தாக்குதல் இந்த சூழலில், United States கடற்படையின் நீர்மூழ்கிக் கப்பல் மூலம் ஒரு ஈரானிய போர்க்கப்பல் தாக்கப்பட்டதாக தகவல்கள் வெளியாகியுள்ளன. இந்த தாக்குதல் Galle கடற்பரப்பிலிருந்து சுமார் 40 கடல் மைல் தூரத்தில் நடைபெற்றதாக கூறப்படுகிறது. தாக்குதலுக்குப் பிறகு அந்த போர்க்கப்பல் கடலில் மூழ்கியதாகவும், அதில் இருந்த பல மாலுமிகள் உயிரிழந்ததாகவும் தகவல்கள் வெளியாகியுள்ளன. சிலர் மீட்கப்பட்டதாகவும், பலர் காணாமல் போயுள்ளதாகவும் கூறப்படுகிறது. ‘மிலன் 2026’ பயிற்சிக்குப் பின் சம்பவம் இந்த கப்பல் Visakhapatnam நகரில் நடைபெற்ற Milan Naval Exercise பயிற்சியில் பங்கேற்று திரும்பிக் கொண்டிருந்ததாக தகவல்கள் தெரிவிக்கின்றன. இந்த நிலையில் இந்தியப் பெருங்கடல் பகுதியில் நடந்த இந்த தாக்குதல் சர்வதேச அளவில் பெரிய விவாதத்தை ஏற்படுத்தியுள்ளது. உலகளாவிய கவலை கடற்பரப்பிலும் தாக்குதல்கள் அதிகரித்து வருவது, மத்திய கிழக்கில் நிலவி வரும் மோதல் மேலும் விரிவடையக்கூடும் என்ற அச்சத்தை உருவாக்கியுள்ளது. இந்த மோதல் நீடித்தால் சர்வதேச கடல் பாதுகாப்பு, எரிசக்தி போக்குவரத்து மற்றும் உலக அரசியல் சமநிலைக்கும் தாக்கம் ஏற்படலாம் என பாதுகாப்பு நிபுணர்கள் மதிப்பிடுகின்றனர்.
ஈரானில் அரசியல் நிலைமை புதிய திருப்பத்தை எட்டியுள்ளது. Ali Khamenei மரணத்திற்குப் பிறகு அந்த நாட்டின் அடுத்த உச்சத் தலைவர் யார் என்பது குறித்து உலகளவில் கவனம் அதிகரித்துள்ளது. இதற்கிடையில், காமேனியின் இரண்டாவது மகனான Mojtaba Khamenei புதிய உச்சத் தலைவராக நியமிக்கப்படலாம் என்ற தகவல்கள் வெளியாகியுள்ளன. மத்திய கிழக்கில் அதிகரித்த பதற்றம் Iran மீது United States மற்றும் Israel மேற்கொண்ட தாக்குதல்களில் காமேனி உயிரிழந்ததாக வெளியான தகவல்கள் உலக அரசியலில் பெரும் அதிர்வை ஏற்படுத்தின. இதனைத் தொடர்ந்து ஈரான் அதிபர் Masoud Pezeshkian, அமெரிக்கா மற்றும் இஸ்ரேலுக்கு எதிராக பதிலடி தாக்குதல்கள் தொடரும் என எச்சரிக்கை விடுத்தார். அதன்படி, “ஆபரேஷன் ஃபதே-இ-ஜாங்” என்ற பெயரில் ஈரான் தாக்குதல்களை தொடங்கியதாக கூறப்படுகிறது. இதில் சவுதி அரேபியா, பஹ்ரைன், கத்தார், ஜோர்டான், ஐக்கிய அரபு அமீரகம் மற்றும் குவைத் போன்ற நாடுகளில் உள்ள அமெரிக்க ராணுவ தளங்கள் இலக்காக தாக்குதல் நடத்தப்பட்டதாக தகவல்கள் வெளியாகியுள்ளன. இடைக்கால தலைமை காமேனி மரணத்திற்கு பிறகு ஈரானில் அதிகார வெற்றிடம் உருவானது. இந்த நிலையில், மூத்த மதத் தலைவரான Alireza Arafi இடைக்கால உச்சத் தலைவராக பொறுப்பேற்றதாக தகவல்கள் தெரிவிக்கின்றன. அதே நேரத்தில், நாட்டின் புதிய உச்சத் தலைவரை தேர்வு செய்வதற்கான ஆலோசனைகள் தொடங்கப்பட்டுள்ளன. மொஜ்தபா காமேனி முன்னிலையில்? ஈரானில் உச்சத் தலைவரை தேர்வு செய்யும் அதிகாரம் 88 மதகுருமார்கள் அடங்கிய Assembly of Experts என்ற அமைப்பிற்கு உள்ளது. இந்த அமைப்பு அடுத்த உச்சத் தலைவராக மொஜ்தபா காமேனியின் பெயரை பரிசீலித்து வருவதாக தகவல்கள் தெரிவிக்கின்றன. 56 வயதான மொஜ்தபா காமேனி நீண்ட காலமாக ஈரானின் அரசியல் மற்றும் மத அமைப்புகளில் செல்வாக்கு கொண்டவர் என்று கூறப்படுகிறது. அதிகாரப்பூர்வ அறிவிப்பு இல்லை மொஜ்தபா காமேனி புதிய உச்சத் தலைவராக நியமிக்கப்பட்டதாக சில தகவல்கள் வெளியாகினாலும், இதுவரை ஈரான் அரசு அல்லது சம்பந்தப்பட்ட அமைப்புகள் இதுகுறித்து அதிகாரப்பூர்வ அறிவிப்பை வெளியிடவில்லை. அதனால், ஈரானின் அடுத்த உச்சத் தலைவர் யார் என்ற கேள்வி இன்னும் தெளிவாகாத நிலையில் உள்ளது. மத்திய கிழக்கில் போர் பதற்றம் அதிகரித்துள்ள இந்த சூழலில், ஈரானின் அரசியல் மாற்றம் உலக அரசியலிலும் முக்கிய தாக்கத்தை ஏற்படுத்தும் என அரசியல் ஆய்வாளர்கள் கருதுகின்றனர்.
மேற்காசியப் பகுதியில் தீவிரமடைந்துள்ள ராணுவ மோதல், சர்வதேச அரசியல் சமநிலையை மாற்றும் வகையில் நகர்கிறது. Iran மற்றும் Israel இடையிலான தாக்குதல்கள், அதற்கு United States அளித்துள்ள ஆதரவு, உலக நாடுகளை இரு அணிகளாகப் பிரிக்கத் தொடங்கியுள்ளது. சீனாவின் நேரடி நிலைப்பாடு ஈரானிய வெளியுறவு அமைச்சர் Seyed Abbas Araghchi உடன் தொலைபேசியில் பேசிய Wang Yi, சீனா ஈரானின் இறையாண்மை மற்றும் தேசிய கண்ணியத்தை மதிக்கிறது எனத் தெரிவித்துள்ளார். அவர் கூறிய முக்கிய அம்சங்கள்: ஈரானின் பாதுகாப்பு மற்றும் பிராந்திய ஒருமைப்பாட்டுக்கு ஆதரவு வெளிநாட்டு தலையீடுகள் பிராந்திய நிலைத்தன்மையை பாதிக்கக் கூடாது உடனடி பதற்றநிலை குறைப்பு அவசியம் சீன வெளியுறவுத்துறை அமைச்சகம் வெளியிட்ட அறிக்கையிலும், தாக்குதல்கள் உடனடியாக நிறுத்தப்பட வேண்டும் என வலியுறுத்தப்பட்டுள்ளது. மோதலின் பின்னணி Ali Khamenei உயிரிழந்ததாக வெளிவந்த தகவல்களைத் தொடர்ந்து, ஈரான் பதிலடி நடவடிக்கைகளை தீவிரப்படுத்தியுள்ளது. “ஆபரேஷன் ஃபதே-இ-ஜாங்” என்ற பெயரில்: சவுதி அரேபியா பஹ்ரைன் கத்தார் ஜோர்டான் ஐக்கிய அரபு எமிரேட்ஸ் குவைத் போன்ற நாடுகளில் உள்ள அமெரிக்க ராணுவ தளங்கள் குறிவைத்து தாக்குதல் நடத்தப்பட்டதாக தகவல்கள் வெளியாகியுள்ளன. இதேவேளை, Benjamin Netanyahu அலுவலகம் குறிவைத்து தாக்குதல் நடந்ததாக ஈரான் தெரிவித்துள்ளது. ஆனால் இஸ்ரேல் தரப்பில் அதற்கான உறுதிப்படுத்தல் இல்லை. அமெரிக்கா மற்றும் ஐரோப்பிய நாடுகள் Donald Trump, இந்த மோதல் இன்னும் சில வாரங்கள் நீடிக்கக்கூடும் என தெரிவித்தார். இதனைத் தொடர்ந்து: United Kingdom France Germany போன்ற நாடுகள் அமெரிக்காவுடன் ஒருங்கிணைந்து செயல்படத் தயாராக இருப்பதாக அறிவித்துள்ளன. உலக அரசியலில் உருவாகும் இரு அணிகள் இந்த மோதல், சாதாரண இரு நாடுகளுக்கிடையேயான போராக இல்லாமல், உலக சக்திகள் நேரடியாக நிலைப்பாடு எடுக்கும் அளவுக்கு விரிந்துள்ளது. ஒருபுறம் அமெரிக்கா மற்றும் அதன் ஐரோப்பிய கூட்டாளிகள். மறுபுறம், ஈரானின் இறையாண்மைக்கு ஆதரவு தெரிவிக்கும் சீனா. இது எதிர்காலத்தில் பெரிய சக்தி மோதலாக மாறுமா என்ற கேள்வி எழுந்துள்ளது. அடுத்த கட்டம் என்ன? சீனா, அமைதிக்கான அழைப்பை விடுத்திருந்தாலும், அதே சமயம் ஈரானுக்கு வெளிப்படையான அரசியல் ஆதரவை வெளிப்படுத்தியுள்ளது. மேற்காசியப் பகுதியில் நிலவும் பதற்றம்: எரிசக்தி சந்தை கடல்சார் பாதுகாப்பு உலக வர்த்தகம் சர்வதேச தூதரகம் என பல துறைகளில் தாக்கத்தை ஏற்படுத்தி வருகிறது. மொத்தத்தில், ஈரான்–இஸ்ரேல் மோதல் தற்போது பிராந்திய எல்லையைத் தாண்டி, உலக அரசியல் சமநிலையை சோதிக்கும் கட்டத்தை எட்டியுள்ளது.
